لبس البنات وسوء استخدام كلمه حريهـ

بسم الله الرحمن الرحيم
السلام عليكم ورحمة الله وبركاتة
أسعد الله أوقاتكم بكل الخير
وجعلها فى طاعته وابتغآء ثوابه وجنته
موضوع شاغلنى من زمان ونفسى اتكلم معاكم فيه
ترددت كثيراً ولم اعرف كيف يمكننى صياغة الموضوع باسلوب ادبى حتى استطيع التحكم فى اطار الحديث
دائما والحمد لله استطيع ان اعبر عما بداخلى فابحث فى قاموس كلماتى لأنتقى منها ما يناسب الموضوع ولكن فى هذا الموضوع تحديداً لم استطع ان اصل الى قاموسى لأجد بداخلة كلمات تعبر عن هذا الشعور الذى يجتاحنى ولا استطيع ان التمس الكلمات لكى اعبر عنه كله
كثير من الاسئلة وكثير من الاطراف وهناك العديد من المسؤلين
ولكن يبقى متهم واحد يتحمل كل هذة الاعباء سنعرفه فى نهاية الموضوع
ومش عايزين يكون تأثير الموضوع علينا وقتى
عايزين نتحرك ونتغير للاحسن وكل واحد يراجع نفسه ويشوف هو رايح فين كفايه توهان وتخبيط لحد كدة
بداية موضوعنا اسئلة
هل مات الرجال ؟؟؟؟ !!!
ام ماتت رجولتهم ؟؟؟ !!!
ام ماتت أخلاقهم ؟؟؟ !!
ام ماتت ضمائرهم ؟؟؟ !!!
دعونا لا نبالغ
هل ماتت غيرتهم على زويهم ؟؟؟ !!
ام ان النساء هم السبب ؟؟؟؟!!!
المجتمع والقيم والاخلاق فى موضع شبهة وسؤال ايضاً
لان موضوعنا يمكن ان نطلق علية ظاهرة لانة ليس بحالة فردية تتكرر من فئة معينة ولا فى اوقات واماكن معينة
انها انحلال الاخلاق
او بمعنى ادق " لبس البنات بقى عامل ازاى ؟؟؟ !! "
ياترى مين المسؤل عن المظهر اللى بنشوف البنات علية دا
** هى ** روشة وعايزة تتابع الموضه
** هى ** مثقفة وتتمتع بقدر من الحرية
** هى ** على درجة من العلم والثقة بالنفس
** هى ** ليست وحدها من يرتدى هذة الملابس
** هى ** دى مناسبة وكان لازم البس فيها كدة وعدت خلاص هو انت شايفنى بالبس كل يوم كدة
** هى ** عايزة تتجوز لانها كبرت فى السن وبقى عندها من 25 – 30 سنه لازم تخرج وتلبس بشكل معين وتحضر الافراح والمناسبات عشان الناس تشوفها يمكن أم حد ولا اخته ولا هو نفسه يشوفها ويجى يتقدملها اكيد عشان اللى شافه منها مش عشان حاجة تانيه فلا تجعلى من نفسك سلعه نصيبك هايجيلك بالتزامك وباحترامك وبالنسبة لموضوع العريس دا خديها منى نصيحة لوجه الله فى الزمن دا " اذا لم تجدى من تحسى معه بالامان ومزيد من الاستقرار النفسى والعاطفى والهدوء الاجتماعى فبيت والدك اكرم لك "
هذة مبررات عزيزتى هى
من السبب وراء هذا الانحلال
أعتقد وفى رأيى الشخصى انه الرجل " ان صح ان يطلق علية لفظ رجل وان يكون فى تعداد الرجال "
نعم انة الرجل جاوبنى
كنت فين وهى بتشترى الهدوم دى ؟؟؟ وكنت فين وهى خارجة بيها ؟؟؟ !!
هاتقولى انا ما ادتهاش فلوس تشترى وهى جابت من معاها طيب ودا يديها الحق انها تلبس حاجة تعيبك انت كراجل قبل ما تسيىء هى الى نفسها وتسيىء الى باقى نساء المسلمين لانة ببساطة اى حد هايشوفها هايعمل الاتى :-
يتفرج من سكات وكلة ببلاش وعلى عينك يا تاجر ايه الحلاوه دى مصر فيها بنات م.....ز وجامدين اهو !!!
وواحد تانى مش هايقدر يسيطر على نفسة هايعاكس بالكلام
وغيره بالايد ونوصل لمستوى لا يليق بنا كمسلمين !!!!
وناس اقل حاجة هاتقولها دى من الشوارع وملهاش اهل ولا حاكم لان لو كان ليها اهل وراجل ماكنتش خرجت كدة
او ليها اهل ورجالة بشنبات وكل واحد شنبة بيجرجر فى الارض بس هى ميول الانحراف عندها اقوى من رجولتهم
اسكتى خالص ماتقوليش ان اللبس مالهوش علاقة بالشخصية بطلى ترددى كلام انتى مش عارفة مين اللى نشرة ولا ايه الغرض منه. الاولى بيكى ترددى وتدافعى بالقرآن .
" لبسك جزء من شخصيتك " وانت بتشترية بتبقى عارفه دا يناسبك او لا واحده فى احترامك ومكانتك لازم اسلوب معين من اللبس تابع لمكانتك وشخصيتك مناسب لخلقك ودينك ومحدش يتحجج بان المكان اللى رايحة فيه محتاج لبس من العينة اللى بنتكلم عنها اكسبى نفسك ودينك وماتروحيش اصلا من البداية يمكن ربنا يخسف بيهم المكان هايبقى كويس وقتها .
عايزة تفهمينى ان اللى خارجة لابسة ضيق مفصل جسمها ولا عريان مش عارفة ان اللبس دا هايلفت النظر ليها وانها ممكن تتعرض لاكثر من المضايقات بالكلام لو قولتى لا مش عارفة انها ممكن يحصلها كدة اقولك تبقى هى عبيطة وماشية تهبل وتستاهل اى شىء يجرالها وما تستاهل حد يزعل عليها
بجد لبس البنات بقى فى منتهى الاستفزاز
واللى يضايقك اكتر انها تبقى بنت عادية محترمة فى لبسها ومتزنة تيجى مثلا تتعزم على فرح ولا سهرة فى مكان هاى استايل تلاقى لبسها اتغير ليه يا اختى تعملى كدة ؟؟؟؟؟؟
متخليش من نفسك سلعة قابلة للاتجار فيها ماترخصيش نفسك واسترى جسمك واحفظى حواسك وهذبى اخلاقك تفوزى برضى ربك وربنا يكرمك بانسان يصونك ويحطك جوه عيونه ويحافظ عليك وربنا ينزل على قلبك السكينة ويقذف فيه السعادة والرضى.
عايزة تلبسى ؟؟؟؟ البسى زى ما انت عايزة بس افتكرى انك لو متى وانتى لابسة اللبس دا هل هاتكونى مبسوطة ؟؟؟ !!
لما تكونى ملتزمة محتشمة وربنا يكرمك بمن هو مثلك او افضل منك اخلاقا ابقى البسى اللى انتى عايزاة جوه بيتك محدش شايفك غير ربك وجوزك حلالك وشطارتك انك تحاولى تعملى له اكتفاء لان لو خرج من بيتة وحاسس ان مش مكتفى بيكى وهمست له نفسه هايبص لدى ويضحك لدى ويكلم دى ومش بعيد يعرف حد عليكى وتكونى أساتى الاختيار كمان فى زوجك مش بس سبتيه يتمنى نظرة ولا ضحكة ولا مكالمة من دى ودى .
عايزة تلبسى يبقى فى بيتك اما خارج البيت فكونى مثل اللؤلؤه يحبها الجميع ولكنها غالية.
يحبك الناس لخلقك لا لجسدك كونى كجوهرة ثمينة لا يقدر على ثمنك الا من هو اتقى منك الا ان سلعة الله غالية ، فرض لك احكام لكى يحفظك ويعفك ويسعد حياتك وييسرها فلا تعبثى ولا تفعلى فعل المتبرجات غير المسلمات.
ثوبى ومعاملاتى يعكس اخلاقى . ليس الجميل من ارتدى غالى الثياب ولكن من صان جسدة واختار ما يوافق دينة ويرضى ربه.
غير صحبتك وتزود من الطاعة ولا تنسى غذائك حتى لا تصاب بالانتكاس والرجوع مره اخرى فاحرص على سماع الخطب الدينيه والتردد على مجالس العلم والاتقياء وبدل صبحة السوء بصحبه تعينك على الطاعة.
"قُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ وَالإِثْمَ وَالْبَغْيَ بِغَيْرِ الْحَقِّ " الأعراف33
{قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ }النور30
{وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ }النور31
{إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ }النور19
كم يقتلنى هذا الاحساس عندما ارى مسلمة متبرجة فى ثيابها واخلاقها اين ضميرك واين كنت ايها الرجل حين خرجت بهذا المنظر.
كم عصينا وكم قصرنا وكم مضى من عمرنا فى مثل هذة الذنوب ؟؟ !!! اما آن الاون لكى تعودى لؤلؤه مكنونه محفوظة عن العيون غالية مصونه .
اما آن الاوان يا اخى ان تفيق كفى بالمرء اثماً ان يضيع من يعول وكلكم راع وكلكم مسؤل عن رعيتة والسيئة عقابها يعم على الملتزم وغيره الا من رحم ربى لانه كان من واجب الملتلزم النصح والتبيين وتوضيح العاقبة والله لولا البهائم ما امطرنا ولنزل بنا العقاب وما قوم لوط وعاد ونوح منا ببعيد.
لمن قسى قلبه ، ولمن على قلبة غشاوة ، ولمن هو تائه يتخبط فى الظلمات ، للمذبذبين لا الى هؤلاء ولا الى هؤلاء
اذا اردت ان تعصى الله فلا تأكل من رزقة ، ولا تسكن فى أرضة واعصى الله فى مكان لا يراك فيه واذا جائك ملك الموت فقل له أجلنى حتى اتوب واذا ائتتك زبائنة جهنم لكى يأخذوك فقل لهم لا أذهب معكم .
الصغيرة تكبر بالمداومة عليها فلا تنظر الى صغر الذنب ولكن انظر الى عظم من عصيت.
حتى لا تقول ربى ارجعونى لعلى اعمل صالحاً فيما تركت فيقال لك كلا
حتى لا تقول لاهل الجنة افيضوا علينا من الماء او مما رزقكم الله فيقال لك كلا ان الله حرمهما على اهل النار
حتى لا يكون طعامك من شجرة الزقوم فهى طعام الاثيم كالمهل يغلى فى البطون كغلى الحميم
حتى لا يكون شرابك ماء من حميم " فسقوا ماءاً حميما فقطع امعائهم "
حتى لاتكون ملابسك من نهار " سرابيلهم من قطران "
حتى لا يقال " خذوة فغلوه "
حتى لا تقيد بالسلاسل " ثم فى سلسلة ذرعها سبوع ذراعاً فاسلكوه "
حتى لا تشهد عليك جوارحك .
اتق الله واعمل ليوم انت محاسب فيه وابدء بنفسك وبمن تعول
لا دار للمرء بعد الموت يسكنها ** الا التى كان قبل الموت بانيها
فان بناها بخير طاب مسكنة ** وان بناها بشر خاب بانيها.
{فَمَن يُرِدِ اللّهُ أَن يَهْدِيَهُ يَشْرَحْ صَدْرَهُ لِلإِسْلاَمِ وَمَن يُرِدْ أَن يُضِلَّهُ يَجْعَلْ صَدْرَهُ ضَيِّقاً حَرَجاً كَأَنَّمَا يَصَّعَّدُ فِي السَّمَاء كَذَلِكَ يَجْعَلُ اللّهُ الرِّجْسَ عَلَى الَّذِينَ لاَ يُؤْمِنُونَ }الأنعام125
من يشأ الله أن يوفقه لقَبول الحق يشرح صدره للتوحيد والإيمان, ومن يشأ أن يضله يجعل صدره في حال شديدة من الانقباض عن قَبول الهدى, كحال مَن يصعد في طبقات الجو العليا, فيصاب بضيق شديد في التنفس. وكما يجعل الله صدور الكافرين شديدة الضيق والانقباض, كذلك يجعل العذاب على الذين لا يؤمنون به.
" فَسَتَذْكُرُونَ مَا أَقُولُ لَكُمْ وَأُفَوِّضُ أَمْرِي إِلَى اللَّهِ "
" وَمَا أُرِيدُ أَنْ أُخَالِفَكُمْ إِلَى مَا أَنْهَاكُمْ عَنْهُ إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ "
فما كان من نقص فمنى ومن الشيطان وما كان من خير فمن الله اترككم فى رعاية الله وحفظه .